Almaty oblysynda jol tártibine baǵynbaǵandardan 1 mlrd teńgeden astam aıyppul óndirildi
TALDYQORǴAN. QazAqparat - Bıyl Almaty oblysynda jol tártibine baǵynbaǵandardan 1 182 343 452 teńge óndirildi. Bul qarjy jol qozǵalysynyń qatysýshylaryna salynǵan barlyq aıyppul somasynyń shamamen 60 paıyzy, dep habarlaıdy QazAqparat tilshisi.
«Degenmen, turǵyndar tarapynan aıyppuldardy mindetti túrde tóleý óz deńgeıinde júrgizilmeıtinin atap ótkimiz keledi. Keıbir jaǵdaılarda aıyppuldardy óndirý májbúrli túrde júrgizilýde. Sondaı-aq, ártúrli ádisterdi qoldaný múmkindigin usynatyn zamanaýı onlaın-qyzmetterdiń kómegimen de aıyppuldardy óndirý iske asyrylýda», - dep habarlaıdy Almaty oblysy ІІD baspasóz qyzmeti.
Temir tulpar tizgindegen tulǵalar eń kóp jol beretin quqyq buzýshylyq - júrgizýshilerdiń jyldamdyq rejimin saqtamaýy. ıAǵnı, tártip saqshylary QR Ákimshilik quqyq buzýshylyq týraly kodeksiniń 592-babynyń talabyn buzýdyń 74 151 deregin tirkegen.
Sonymen qatar, polıtseıler ákimshilik aıyppuldardy alǵashqy 7 táýlik ishinde tólegen jaǵdaıda 50 paıyzdyq jeńildik beriletini týraly eskertedi.
