Almaty oblysynda jol talǵamaıtyn kólikti urlady degen kúdikpen sheteldikter ustaldy
TALDYQORǴAN.QazAqparat - Almaty oblysynda «Toıota Lend Krýzer Prado» kóligin urlady degen kúdikpen shetel azamattary ustaldy, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, mamyrdyń 14-nen 15-ne qaraǵan kúni kóliktiń urlanǵandyǵy jóninde habar kelip túsken. Іzdeý jumystaryna kirisken polıtseıler urlanǵan mashınany Almaty-Bishkek tas jolynyń 95 shaqyrymynda tapty.
«Urlanǵan kólikti Reseı jáne Tájikistan azamattary ıemdengeni anyqtaldy. Biraq kúdiktilerdiń aıtýynsha, olar temir tulpardy Almaty qalasynda jaqyn tanys emes azamattan aqshaǵa satyp alǵan. Ustalǵan azamattar kólikpen birge Almaty qalasynyń polıtseılerine jetkizildi. Endi kólikpen ustalǵan azamattar rasymen alaıaqtyń arbaýyna túsip qaldy ma, ony Almatydaǵy áriptesterimiz anyqtaıtyn bolady», - dedi atalǵan vedomstvonyń baspasóz qyzmetinen.
