Almaty oblysynda jol mamandary respýblıkalyq joldy sý basý qaýpiniń aldyn aldy
ASTANA. QazAqparat - Almaty oblysynda qar kúrt erý nátıjesinde «Ekaterınbýrg – Almaty» avtojolynyń úsh ýchaskesiniń jol jıegine erigen qar sýy aqty.
Kúre joldy sý basyp, shaıylyp ketýine jol bermeý maqsatynda óńirdegi QazAvtoJol qyzmetkerleri erigen qar sýyn burý boıynsha jedel jumys júrgizdi.
Bul týraly QazAqparat respýblıkalyq mańyzy bar avtomobıl joldarynyń ulttyq operatoryna silteme jasap habarlaıdy.
Qazir erigen qar sýy sý ótkizgish qubyrlar arqyly ótýde. Jol jıegin nyǵaıtý jáne ınertti materıaldary bar qap tóseý jumystary jalǵasýda. 20 maman men 15 birlik arnaıy tehnıka jumyldyryldy. Táýlik boıy kezekshilik jáne patrýldeý uıymdastyryldy.
Respýblıkalyq mańyzdaǵy kúre joldar barlyq baǵytta ashyq.
Vıdeodan alynǵan kadr
