Almaty oblysynda jol qaýipsizdigin qamtamasyz etetin jańa joba iske qosyldy

ASTANA. QazAqparat – Almaty oblysynda «Jol qozǵalysynyń qaýipsizigi» jobasy iske qosyldy. Bul týraly Іshki ister mınıstrliginiń brıfınginde málim boldy, dep habarlaıdy QazAqparat tilshisi.

«Statıstıka boıynsha ótken jyly oblys aýmaǵynda 1 700-den astam jol-kólik oqıǵasy tirkelgen. Onda 2 369 adam zardap shegip, 300-den astam adam qaza tapqan. Onyń ishinde 30 bala bar. Qazirdiń ózinde ár aýdanda prokýratýra, polıtsııa, ákimdik qyzmetkerleri men qoǵam qaıratkerlerinen mobıldi toptar qurylyp, joldardyń problemalyq ýchaskelerin anyqtap, olardy joıý boıynsha maqsatty sharalardy júrgizilip jatyr. Polıtsııa departamentiniń bastyǵy Baýyrjan Álenovtyń aıtýynsha, polıtsııa qyzmetkerleri joldar men jol jelilerine 1 270 tekserý júrgizgen. Nátıjesinde 1276 uıǵarym shyǵaryldy. Joldardy kútip ustaý talaptaryn oryndamaǵany úshin 164 laýazymdy tulǵa ákimshilik jaýapqa tartyldy. Qaýipti aımaqtarǵa 29 apparattyq-baǵdarlamalyq keshen ornatyldy Qosymsha taǵy 120-dan astam osyndaı keshen ornatý josparda bar», - dep atap ótti mınıstrlikten.

Qosa ketsek, buǵan deıin Tarazda «Sergek» kameralary iske qosylǵanyn habarlap edik.