Almaty oblysynda jol erejesin saqtamaǵan 10 myńǵa jýyq adam jazalandy
TALDYQORǴAN. QazAqparat - Jyl basynan beri Almaty oblysynyń tártip saqshylary jolda júrý qaýipsizdigin qamtamasyz etý barysynda jol erejesin óreskel buzǵan 9859 tulǵaǵa ákimshilik hattama toltyrdy, dep habarlaıdy QazAqparat tilshisi.
«Jol qaýipsizdigin qamtamasyz etý barysynda biz tek kólik júrgizýshileriniń ǵana emes, jaıaý júrginshilerdiń de jol erejesin qatań saqtaýyn talap etemiz. Joldy kez kelgen jerinen kesip ótý, osy arqyly apattyq jaǵdaı týdyrý derekteri jıi oryn alady. Atap aıtsaq, jol erejesine baǵynbaǵan 9859 jaıaý júrginshi aıyppul salyndy»,- dep atap ótti oblystyq PD Ákimshilik polıtsııa basqarmasynyń bastyǵy polıtsııa polkovnıgi Dáýlet Moldahanov.
Vedomstvo basshysynyń aqparaty boıynsha, bıyl jaıaý júrginshiniń ómirine qaýip tóndirgen 1562 júrgizýshi de ákimshilik jaýapqa tartylǵan.
