Almaty oblysynda jol erejesin buzǵan túlekter kortejindegi 4 kólik aıyp turaǵyna qoıyldy

TALDYQORǴAN. QazAqparat - Almaty oblysynda memlekettik nómirsiz júrgen túlekter kortejindegiler ustaldy. Tórt kólik te aıyp turaǵyna qoıyldy, dep habarlaıdy QazAqparat tilshisi.

Kóliktiń terezesinen shyǵyp, ómirge qaýip tóndirip, kóńil kótergenderdiń barlyǵy 17-22 jas aralyǵyndaǵy Jambyl aýdanynyń turǵyndary. Polıtsııanyń aqparatyna sáıkes, olar kolledj túlekteri.

«25 mamyr kúni áleýmettik jelige monıtorıng júrgizý kezinde 4 avtokóliktiń Almaty-Bishkek tas jolynda jol erejesin óreskel buzǵany anyqtaldy. Polıtsııa olardy anyqtap, ustady. Tórt kólik aıyp turaǵyna qoıyldy. Onyń eki júrgizýshisi kámelettik jasqa tolmaǵan. Olarǵa birden ákimshilik hattama toltyryldy. Jalpy osy is boıynsha 15 hattama toltyryldy. Onyń ishinde kólikti memlekettik nómirsiz júrgizý de bar», - delingen vedomstvo taratqan habarlamada.

Esterińizge sala keteıik, buǵan deıin bir top kóliktiń kósheniń ortasynda nómirsiz, jol erejesin buzyp júrgenin habarlaǵan bolatynbyz.