Almaty oblysynda jol erejesin buzbaǵan júrgizýshiler marapattaldy
TALDYQORǴAN. QazAqparat - Almaty oblysy ІІD Jergilikti polıtsııa qyzmeti jolda qabyldaý aktsııasyn ótkizdi, dep habarlaıdy QazAqparat tilshisi.
Aktsııanyń maqsaty halyqty qoǵamdyq jáne jol qozǵalysy qaýipsizdigin saqtaý boıynsha qulaqtandyrý. Qoǵamda quqyqbuzýshylyqtarǵa «nóldik tózimdilik» prıntsıpin qalyptastyrý.
«Bul aktsııa azamattarǵa olarǵa qolaıly ýaqyt pen yńǵaıly jerde jol qozǵalysy qaýipsizdigin qamtamasyz etý salasynda konsýltatıvtik jáne quqyqtyq kómek alýǵa múmkindik beredi. Sol úshin biz ózimizdiń mobıldik pýnktterimizdi oblystyń turǵyndar kóp shoǵyrlanatyn jerlerine qoıdyq. Halyqpen tildesý jol qozǵalysy qaýipsizdigi boıynsha azamattarda týyndaǵan suraqtardy talqylaý túrinde ótti», - dep málimdedi Almaty oblysy ІІD Jergilikti polıtsııa qyzmetiniń aǵa ınspektory Aıjan Álibaıqyzy.
Aktsııa barysynda oblys boıynsha 1623 júrgizýshi arasynda saýalnama júrgizildi. Kólik basqarý kezinde Jol júrý erejesin buzý boıynsha jaýapkershilikke tartylmaǵan júrgizýshiler JPQ basshylyǵynyń arnaıy alǵys hatymen marapattaldy. Sondaı-aq júrgizýshilerge jol júrý erejesin saqtaýǵa shaqyratyn býkletter men jadynamalar taratyldy.
Budan basqa is-sharaǵa densaýlyq saqtaý uıymynyń ókilderi de qatysyp, azamattarǵa mindetti medıtsınalyq saqtandyrý týraly aıtty.
Polıtsııa qyzmetkerleri jol qozǵalysyna qatysýshylardyń barlyǵyn osyndaı aktsııaǵa jıi qatysýǵa shaqyrady.
