Almaty oblysynda jol boıynda jatqan er adamdy kólik basyp ketti
TALDYQORǴAN. QazAqparat - Almaty oblysynyń Qarasaı aýdanyndaǵy Ekpindi aýylynyń mańynda er adamdy kólik basyp ketti, dep habarlaıdy QazAqparat tilshisi.
Qaıǵyly jaǵdaı Shamalǵan - Buryndaı avtojolynyń boıyndaǵy Ekpindi aýylynyń mańynda tańǵy saǵat 4:00-der shamasynda bolǵan. Aldyn ala málimetke qaraǵanda, er adam joldyń boıynda kóldeneń jatqan. Al «Toyota» avtokóliginiń 1990 jylǵy júrgizýshisi jolda jatqan adamdy baıqamaǵan. Sebebi, qalyń qar jaýyp, jol jıegi kórinbegen. 29 jastaǵy azamat er adamdy basyp ketkennen keıin ǵana toqtap, jedel járdemdi shaqyrǵan. Al kólik basyp ketken adam mert boldy. Jábirlenýshi naqty neden jáne qalaı jáne qaı ýaqytta jan tapsyrǵanyn polıtseıler anyqtaıtyn bolady. Ázirge kóz jumǵan adamnyń tulǵasy anyqtalǵan joq. Almaty oblystyq Polıtsııa departamentiniń baspasóz qyzmeti atalǵan faktini rastady.
«Oqıǵany rastaımyz. Osy faktige oraı QR QK 345 babynyń 3 tarmaǵyna sáıkes sot aldy tergeý júrip jatyr. Qajetti saraptamalar taǵaıyndaldy», - dedi atalǵan vedomstvonyń baspasóz qyzmeti.
