Almaty oblysynda jol boıynda kókpar tartqandar jazalandy
TALDYQORǴAN. QazAqparat – Almaty oblysynda súndet toıdyń qurmetine kókpar tartqandar jazalandy. Trassanyń qaq ortasynda tártip buzǵan kókparshylar Qarasaı aýdanynyń turǵyndary bolyp shyqty, dep habarlaıdy QazAqparat tilshisi.
Aıta keteıik, kókparshylardyń vıdeosy áleýmettik jelige tarap, halyq narazylyǵyn týdyrtqan bolatyn.
«1 qarasha kúni polıtsııaǵa Almaty-Jandosov jolynda kókpar uıymdastyrylyp jatqandyǵy jóninde habarlama kelip tústi. Tártip saqshylary anyqtaǵandaı, ulttyq oıyndy Dolan aýylynyń 38 jastaǵy turǵyny uıymdastyrǵan. Ol bes jastaǵy ulyn súndetke otyrǵyzý qurmetine kókpar uıymdastyrǵan. Er azamat polıtsııa bólimine jetkizildi», - delingen Almaty oblystyq Polıtsııa departamenti baspasóz qyzmetiniń habarlamasynda.
38 jastaǵy turǵyn karantın talaptaryn buzǵany úshin QR Ákimshilik kodeksiniń 434-baby 1-tarmaǵyna sáıkes jazalanatyn bolady. Oǵan qatysty is tıisti organǵa joldandy.
