Almaty oblysynda jol boıynan tabylǵan balaǵa qatysty mán-jaı anyqtaldy
TALDYQORǴAN.QazAqparat - Almaty oblysynda joldyń boıynan tabylǵan bala jaıly mán-jaı anyqtaldy, - dep habarlaıdy QazAqparat tilshisi.
«Tekserý barysynda anasy balasymen birge kórshi sharýa qojalyǵyna kelgeni jáne bes jasar ulyn kólikte qaldyrǵany anyqtaldy. Bala anasyn kútpeı, jolǵa shyǵyp ketken. Ony ótip bara jatqan ózge kóliktiń júrgizýshisi baıqap, beınejazbaǵa túsirip, jelige júktegen. Sodan keıin anasyn taýyp, balasyn aman-esen qaıtarǵan. Qazirgi ýaqytta bala anasynyń qasynda.
ıÝvenaldy polıtsııa ákimshilik kodekstiń 127-babyna sáıkes «ata-analardyń kámeletke tolmaǵan balalardy tárbıeleý jónindegi mindetterdi oryndamaýy» deregi boıynsha balanyń anasyn jaýapqa tartý týraly máselesin qarastyrýda», - delingen Almaty oblystyq Polıtsııa departamenti baspasóz qyzmetiniń ókili Serik Úpıev.
Sondaı-aq Almaty oblysynyń polıtsııasy balany jalǵyz qaldyrmaǵan er azamatty marapattaıtyndaryn jetkizdi.
«Almaty oblysy Polıtsııa departamenti jol boıynda balany taýyp alǵan qyraǵy júrgizýshige rızashylyǵyn bildiredi jáne jaqyn arada oǵan belsendi azamattyq ustanymy úshin alǵys aıtpaq», - dep tolyqtyrdy S.Úpıev.
Esterińizge sala keteıik, buǵan deıin kishkentaı balanyń jol boıynan tabylǵandyǵy jóninde habarlaǵan bolatynbyz.
