Almaty oblysynda jol apatynan eki adam mert boldy
TALDYQORǴAN. QazAqparat - Almaty oblysynda kólik apatynan eki adam mert boldy, - dep habarlaıdy QazAqparat tilshisi.
Almaty oblysynyń Polıtsııa departamentiniń baspasóz qyzmetiniń málimetinshe, bul jol-kólik oqıǵasy 17 tamyzda saǵat 22:00 shamasynda «Almaty-Óskemen» avtojolynda bolǵan.
«Aldyn ala málimetter boıynsha, «Toıota kamrı» markaly avtokóliginiń júrgizýshisi Almaty-Óskemen avtojolynyń boıymen soltústik baǵytta 46 km júrip ótip, aldyńǵy sol jaq dońǵalańy tesilip, sonyń saldarynan avtokólik 90 gradýsqa burylǵan. Osy sátte onyń artynan kele jatqan «Hıýndaı aktsent» markaly avtokólik joǵaryda atalǵan avtokólikpen soqtyǵysqan.
Jol apatynyń saldarynan oqıǵa ornynda «Toıota kamrı» kóliginiń júrgizýshisi men onyń jolaýshysy kóz jumdy»,- delingen atalǵan vedomstvonyń baspasóz qyzmeti taratqan habarlamada.
Sondaı-aq, «Ótegen batyr» kentindegi ortalyq aýrýhanaǵa túrli jaraqattarmen osy kóliktiń taǵy bir jolaýshysy jetkizildi. Atalǵan derek boıynsha QR QK 345-baby boıynsha qylmystyq is qozǵaldy. Tıisti saraptamalar taǵaıyndaldy.
