Almaty oblysynda jol apatynan eki adam qaza taýyp, taǵy ekeýi jaraqat aldy
TALDYQORǴAN. QazAqparat - Almaty oblysynda jol apatynan eki adam qaza taýyp, eki adam jaraqat aldy, dep habarlaıdy QazAqparat tilshisi.
18 qarasha kúni tańerteń «BMV-530» avtokóligi Alakól aýdanynyń ortalyǵy Úsharal qalasynyń kósheleriniń birinde jol shetindegi aǵashqa soǵyldy. Jol apaty saldarynan 23 jastaǵy kólik júrgizýshisi men onyń bir jolaýshysy jan tásilim etti. Taǵy eki jolaýshy ártúrli dene jaraqattarymen Alakól aýdandyq ortalyq aýrýhanasyna jetkizildi.
Almaty oblystyq Polıtsııa departamentiniń baspasóz qyzmeti apat saldary tergeý barysynda anyqtalatynyn aıtty.
Tártip saqshylary kúnniń sýytyp, aýa raıynyń kúrt ózgerýine baılanysty júrgizýshiler qysqy dóńgelekterge kóshýi qajettigin eskertedi.
