Almaty oblysynda jol apatynan 41 jastaǵy júrgizýshi mert boldy
TALDYQORǴAN. QazAqparat - Almaty oblysynda kólik apatynan 41 jastaǵy júrgizýshi mert boldy, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmeti aqparatty rastady.
Resmı málimetke sáıkes oqıǵa búgin tańǵy saǵat 08:00 shamasynda Talǵar-Aqbulaq tasjolynda bolǵan.
Aldyn ala boljam boıynsha «Mitsubishi Galant» kóliginiń júrgizýshisi «Paz 3206» avtokóligine jol bermegen.
Saldarynan kólikter soqtyǵysqan. Oqıǵa ornynda «Mitsubishi Galant» kóliginiń júrgizýshisi mert boldy. Ózge zardap shegýshiler joq.
«Atalǵan faktige sáıkes QR QK 345 baby 3-tarmaǵy boıynsha sotaldy tergeý bastaldy. Qajetti saraptamalar taǵaıyndaldy» delingen vedomstvonyń aqparatynda.
