Almaty oblysynda jol apatynan 3 adam jaraqat alyp, 5 adam mert boldy
ALMATY. QazAqparat – Almaty oblysynda jeńil kólik júk kóligimen soqtyǵysyp, 4 adam mert boldy. Bul týraly Almaty oblystyq Polıtsııa departamenti óziniń Facebook-tegi paraqshasynda jarııalady, dep habarlaıdy QazAqparat.
Polıtsııa departamenti taratqan aqparatqa qaraǵanda, Almaty oblysynda búgin, 13 tamyz kúni saǵat 08-00-der shamasynda 29 jastaǵy áıel adam basqaryp kele jatqan Mazda-626 markili jeńil kólik «Almaty-Bishkek» trassasynyń 84-shi kılometrinde «Shacman» markili júk kóligimen soqtyǵysqan.
Osynyń saldarynan jeńil kóliktiń júrgizýshisi men onyń 4 jolaýshysy jol apatynan alǵan jaraqattarynyń saldarynan oqıǵa ornynda kóz jumdy. Sondaı-aq túrli dene jaraqattaryn alǵan 3 adam Jambyl aýdanynyń aýrýhanasyna jetkizildi.
«Jol apatynyń mán-jaıy arnaıy tergeý jumystarynan soń anyqtalady, ol úshin arnaıy saraptamalar da taǵaıyndaldy»,-dep habarlamady vedomstvo ókilderi.
Polıtsııa qyzmetkerleri júrgizýshilerdi jol erejelerin qatań qadaǵalaýǵa shaqyryp otyr. Bul óz kezeginde jol-kólik oqıǵalary men onymen baılanysty túrli qaıǵyly jaǵdaılardyń aldyn alýǵa yqpal etedi. Óıtkeni qazir kólik apattarynyń basty sebepteriniń biri jyldamdyqty shekten tys asyrý men qarsy jolaqqa shyǵyp ketý jaǵdaılary bolyp otyr.
