Almaty oblysynda jol apatynan 1 adam mert bolyp, 4 adam jaraqattandy - TJM
ASTANA. Aqpannyń 12-si. QazAqparat - Almaty oblysynda jol-kólik apatynyń saldarynan 1 adam mert bolyp, 4 adam zardap shekti,
dep habarlady Tótenshe jaǵdaılar mınıstrliginen.
Jol apaty beısenbi, aqpannyń 11-i kúni saǵat 21.00 shamasynda Uıǵyr aýdanynan shyǵatyn «Shonjy-Aqsý» avtojolynyń 4-shi shaqyrymynda «Folksvagen» jáne «VAZ» avtokólikteriniń qatysýymen boldy. Onyń saldarynan ekinshi kóliktiń 38 jastaǵy jolaýshysy sol orynda jantásilim etti, eki júrgizýshi men «VAZ» mashınasynyń taǵy eki jolaýshysy túrli jaraqattarmen aýrýhanaǵa jetkizildi.
Osy kúni keshqurym, Aqtaý qalasynyń kósheleriniń birinde «Aýdı» jáne «Nıssan» kólikteriniń soqtyǵysýynan alǵashqy mashınanyń 39 jastaǵy júrgizýshisi mert boldy.
