Almaty oblysynda joǵalyp ketken otbasyn izdeý jumystary kúsheıtildi

QONAEV. QazAqparat – Almaty oblysynda joǵalyp ketken otbasyn izdeý jumystary kúsheıtildi, dep habarlaıdy QazAqparat tilshisi.

«Saǵat 17:00-de respýblıkalyq jedel-izdestirý jasaǵynan 2-top jumyldyrdy. Qar men batpaqta júretin arnaıy kólik te shyǵaryldy», - delingen tótenshe jaǵdaılar departamentiniń habarlamasynda.

Esterińizge sala keteıik, Almaty oblysynda 7 adamnan turatyn otbasyn izdestirý jumystary bastalǵan. Eńbekshiqazaq aýdany Shelek aýylynan 80 shaqyrym jerde, taýly aımaqtaǵy Bortoǵaı sý qoımasynda 7 adamnan turatyn otbasy (tórt er adam, eki áıel adam jáne bala) joǵalyp ketti. Olar 2 qańtarda eki kólikpen Almatydan Asy ústirtine qaraı shyǵyp, úılerine oralmaǵan.

Joǵalǵan adamdardy izdeý jumystaryn Tótenshe jaǵdaılar departamenti, respýblıkalyq jedel-qutqarý jasaǵy, jergilikti atqarýshy organdar men aýdandyq ishki ister bólimi júrgizip jatyr.