Almaty oblysynda joǵalyp ketken boıjetken toǵyz kúnnen soń tabyldy
TALDYQORǴAN. QazAqparat - Almaty oblysynda 17 jastaǵy qyz toǵyz kúnnen soń tabyldy. Jasóspirimdi izdeý úshin Almaty oblysynan bólek Almaty qalasynyń da polıtseıleri jumyldyryldy, dep habarlaıdy QazAqparat tilshisi.
25 tamyz kúni iz-túzsiz joǵalyp ketken qyzdy polıtseıler Almaty qalasynan tapqan. Biraq tártip saqshylary onyń 9 kún boıy qaıda bolǵanyn, ne istegenin, qaı jerden tapqany jóninde aqparat bermedi. Tek Almaty oblystyq polıtsııa departamentiniń baspasóz qyzmetiniń málimetinshe, izdeýde bolǵan balanyń Almatyda ekenin Eskeldi aýdanynyń polıtseıleri anyqtaǵan.
«Almaty oblysynyń polıtseıleri izdeýge qatysqan barlyq eriktilerge alǵys aıtady. Qyz balany tártip saqshylar ata-anasyna apardy», - dep málimdedi atalǵan vedomstvonyń baspasóz qyzmetinen.
