Almaty oblysynda joǵalǵan jolaýshylar aman-esen tabyldy
TALDYQORǴAN.QazAqparat - Almaty oblysyndaǵy Altyn-Emel asýynda 3 jolaýshy áıeldi 10 polıtsııa qyzmetkeri men 10 qutqarýshy izdegen. Biraq 12 saǵattyq izdeýden soń ǵana izdestirip jatqan adamdardyń din-aman ekeni anyqtalǵan, - dep habarlaıdy QazAqparat tilshisi.
«Kerbulaq aýdanyndaǵy Saryózek-Kóktal tas jolynyń 65 shaqyrymyndaǵy Altyn-Emel asýynda aýa raıynyń qolaısyzdyǵy saldarynan kólikteri toqtap qalǵan úsh jolaýshy óz betterinshe dalaǵa shyǵyp ketken. Úsh áıel adam 24 qarasha keshki saǵat 21:00-der shamasynda kólikten shyǵyp, jol-jónekeı mashınaǵa minip, Basshı aýylyna aman-esen jetkenderi anyqtaldy. Al 3 jolaýshyny 20 adam búgin tańerteńgi saǵat 8:30-ǵa deıin izdestirgen. Qatty daýyldyń saldarynan adasyp ketýi múmkin degen úsh azamatsha aman esen tabyldy», - dedi Almaty oblystyq Tótenshe jaǵdaılar departamenti baspasóz qyzmetiniń ókili Azamat Jurtbaev.
Sondaı-aq, atalǵan vedomstvo ókilderi ótken táýlikte jol boıynda qalǵan 9 jolaýshy aman-esen qutqarylǵanyn jetkizdi. Oqıǵa Qapal-Arasan tas jolynyń 20-shy shaqyrymynda bolǵan. 24 qarasha kúni túngi saǵat 21:00-der shamasynda qar qursaýynda qalǵan eki kóliktiń jolaýshylaryn qutqarýshylar evakýatsııalap, Qapal-Arasan aýylyna jetkizgen.
Almaty oblystyq Tótenshe jaǵdaılar departamenti baspasóz qyzmetiniń málimetinshe, qazirgi tańda Almaty oblysynda barlyq avtokólikter úshin joldar ashyq.
