Almaty oblysynda joǵalǵan jasóspirim 10 kúnnen keıin tabyldy
TALDYQORǴAN. QazAqparat - Almaty oblysynda 7 maýsym kúni iz-túzsiz joǵalǵan jasóspirim tabyldy. Úıinen qashýdy ádetke aınaldyrǵan 14 jastaǵy balanyń isin endi arnaıy komıssııa qaraıtyn bolady, dep habarlaıdy QazAqparat tilshisi.
«Balanyń joǵalǵandyǵy jóninde Talǵar aýdandyq ІІB-ne ata-analary habarlap, birden izdeý jumystary júrgizildi. Joǵalǵan jasóspirimniń sýreti barlyq ishki ister organdarynyń bólimshesine taratyldy. Al keshe jasóspirim ata-anasynyń týystaryna baryp, ol úıdiń ıeleri birden balanyń tabylǵandyǵy jóninde habarlady. Bala qazir ata-anasymen birge din-aman óz úıine oraldy», - dep málim etti oblystyq ІІD baspasóz qyzmeti.
Anyqtalǵandaı, oqýshy buǵan deıin de úıinen birneshe márte qashyp ketip, habarsyz júrgen. Endi ıývenaldy polıtsııa ókilderi profılaktıkalyq tirkeýde turǵan jasóspirimniń materıaldaryn jınaqtap, arnaıy komıssııaǵa tapsyrmaq.
«Al balanyń isin Talǵar aýdanyndaǵy ákimdik janynan qurylǵan jasóspirimder quqyǵyn qorǵaýmen aınalysatyn komıssııa qaraıdy», dep tolyqtyrdy vedomstva ókilderi.
