Almaty oblysynda joǵalǵan stýdent qyz páterden tabyldy
TALDYQORǴAN. QazAqparat - Almaty oblysynda joǵalǵan 16 jastaǵy stýdent qyz qurbysynyń páterinen tabyldy, dep habarlaıdy QazAqparat tilshisi.
«Aqpannyń biri kúni Jambyl aýdandyq polıtsııa bólimshesine Úzynaǵash aýylynyń turǵyny aryz túsirgen. Shaǵymdanýshynyń sózinshe, onyń 16 jastaǵy qyzy joǵalyp ketken. Іzdeýge shuǵyl kirisken tártip saqshylar kámelettik jasqa tolmaǵan jasóspirimniń turaqtaǵan mekenjaıyn anyqtaǵan. Belgili bolǵandaı, stýdent qyz joǵalǵan ýaqyttan beri óziniń qurbysynyń páterinde bolǵan. Al onyń ne sebepti úıinen ketip qalǵany anyqtalýda», - dep málim etti Almaty oblystyq Polıtsııa departamentiniń baspasóz qyzmetinen.
Vedomstvonyń aqparatyna sáıkes, jasóspirim buǵan deıin de basqa áreketterimen polıtseılerdiń kózine túsken eken. Endi onyń ata-anasy kámelettik jasqa tolmaǵan balasyna durys qaramaǵany úshin, ıaǵnı qadaǵalaý júrgizbegeni úshin ákimshilik jaýapkershilikke tartylatyn boldy.
