Almaty oblysynda joǵalǵan oqýshylar kompıýterlik klýbtan tabyldy
TALDYQORǴAN. QazAqparat - Almaty oblysynda bes kún boıy izdeýde bolǵan eki oqýshy tabyldy, dep habarlaıdy QazAqparat tilshisi.
27 jeltoqsan kúni mektepke baryp, úılerine oralmaǵan balalar Jambyl aýdanyndaǵy Qarǵaly aýylynyń turǵyndary. Іz-túzsiz joǵalǵan 16 jastaǵy oqýshynyń birinde qomaqty qarjy bolǵan. Ata-anasy nesıe tóleýge bergen aqshany balalar bes kún boıy alańsyz jaratqan. Al olardy aýyldastary tártip saqshylarymen birge izdep, aıaqtarynan tik turǵan. Joǵalǵandardyń sýretteri aýdan boıynsha halyq kóptep júretin jerlerge ilingen. Tipti izdestirý jumystaryna Almaty oblysynyń jyldam qımyldaıtyn arnaıy jasaqtyń mamandary da jumyldyrylǵan.
«Joǵalǵan oqýshylar Taldyqorǵan qalasyndaǵy kompıýterlik klýbtardyń birinen tabyldy. Balalar óz túsiniktemesinde aqshanyń barlyǵyn óz qajettilikterine jaratqandaryn jáne sol úshin ata-analary ursady dep úılerine barmaǵandaryn aıtyp aqtaldy. Qazir balalar ata-analarymen birge, dedi oblystyq ІІD baspasóz qyzmeti.
Al bes kún boıy izdeýde bolǵan balalarmen túsindirý jumystary júrgizildi. Oqýshylardyń úıden qashyp ketýi alǵashqy jaıt bolmaǵandyqtan olardyń ata-analaryna da tıisti shara qoldaný úshin is arnaıy komıssııaǵa jiberildi.
