Almaty oblysynda joǵalǵan oqýshy eki kúnnen beri izdestirilip jatyr
TALDYQORǴAN. QazAqparat - Almaty oblysynda eki táýlikten beri polıtseıler men eriktiler joǵalǵan 14 jastaǵy oqýshyny izdestirip jatyr, dep habarlaıdy QazAqparat tilshisi.
«7 qarasha kúni Uıǵyr aýdandyq polıtsııa bólimine Úlken Aqsý aýylynyń 37 jastaǵy turǵyny balasynyń joǵalyp ketkendigi jóninde habarlaǵan. 2005 jylǵy Nıgara Kadırdınovany izdeýge eriktiler men polıtseıler jumyldyrylǵan», - dep málimdedi oblystyq polıtsııa departamentinen.
Іz-túzsiz joǵalǵan Nıgara Kadırdınova ústine aqshyl qońyr tústi palto, qara bas kıim kıgen. Aıaǵynda aq krossovkıi bar. Onyń qolynda mektep sómkesi men dene shynyqtyrý kıimderi salynǵan rıýkzagy bar.
«Eger kim de kim oqýshy jaıly qandaı da bir aqparattan habardar bolsa, dereý 8-72778 21597, 8-7017988863 nemese «102» nómerlerine habarlasýlaryńyzdy suraımyz» delingen habarlamada.
