Almaty oblysynda joǵalǵan oqýshy Almatydan tabyldy
TALDYQORǴAN.QazAqparat - Almaty oblysyndaǵy Qarasaı aýdanyna qarasty Qoshmambet aýylynda joǵalyp ketken oqýshy Almatydan tabyldy, dep habarlaıdy QazAqparat tilshisi.
16 sáýirde iz-túzsiz ketken Áıgerim Ýsıpbekovany tártip saqshylary Almaty qalasynan tapty. 14 jastaǵy oqýshy búgingi kúnge deıin qurbysynyń úıinde jasyrynyp jatqan.
Oblystyq ІІD baspasóz qyzmetiniń ókili Kóbeıhan Nurahmetovtyń aıtýynsha, jasóspirimdi qazir tártip saqshylary Almatydan alyp kele jatyr.
«Oqýshy ata-anasynyń qolyna tabystalady. Aldaǵy ýaqytta mundaı jaıttarǵa jol bermeý maqsatynda oqýshymen profılaktıkalyq jumystar júrgiziledi», - dedi K.Nurahmetov.
Aıta ketý kerek, Almatyda Almaty oblysynyń 14 jastaǵy turǵyny Malıka Oraqbaeva joǵalyp, ony izdestirý jumystary áli jalǵasyp jatyr.
