Almaty oblysynda joǵalǵan qyz Shymkentten tabyldy
TALDYQORǴAN.QazAqparat - Almaty oblysynda jyl basynda joǵalǵan qyz Shymkent qalasynan tabyldy. 16 jastaǵy jasóspirim ata-anasymen ursysyp, úıinen qashyp ketken, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, Talǵar aýdanyndaǵy Aqtas aýylynyń 16 jastaǵy turǵyny ata-anasyna hat jazyp, úıinen ketip qalǵan. Polıtseıler qyz balanyń mundaı sheshim qabyldaýyna úıdegi kıkiljiń jáne Shymkent qalasynyń turǵynymen áleýmettik jelide tanysqany sebep bolýy múmkin ekenin aıtady. Qańtar aıynda iz-túzsiz ketken boıjetken qazir Shymkenttegi kolledjderdiń birinde oqyp jatyr.
«Almaty oblysynyń polıtseıleri jasóspirimdi tapty. Qyz bala Naýryz merekesinde úıine baryp qaıtýy múmkin. Tártip saqshylary onymen sóıleskennen keıin qyz ata-anasyna habarlasyp, jaǵdaıyn túsindirdi», -dep málim etti oblystyń ІІD baspasóz qyzmeti.
Vedomstvanyń málimetinshe, qyz balaǵa ata-anasy oqýyn Shymkentte jalǵastyrýǵa kelisimin bergen kórinedi.
