Almaty oblysynda joǵalǵan boıjetken bes kúnnen beri tabylmaı jatyr
TALDYQORǴAN. QazAqparat - Almaty oblysyna qarasty Úsharal qalasynyń turǵyny Anastasııa Abaımovanyń joǵalǵanyna búgin besinshi kún. 18 jastaǵy qyz 7 qarasha kúni tańerteń oqýyna ketip, oralmaǵan. Qyzdyń uıaly telefony da óshirýli, - dep habarlaıdy QazAqparat tilshisi.
Januıa músheleri Úsharal qalasynyń ІІB-ne baryp, balasynyń joǵalǵandyǵy jóninde aryzdanǵan. Alaıda, nátıje bermeı tur, deıdi olar. Aıdiń kúnniń amanynda balasynan aıyrylǵan Olga baqsy-balgerlerdiń kómegine júgingen. Olardyń boljaýynsha, «qyzdy uzyn boıly er jigit pen eki áıel kólikke otyrǵyzyp, alyp ketken, ári qazir Almatyda qol-aıaǵyn baılap ustap otyr-mys».
Mundaı sumdyqty estigen Olga Danılınadan tipten maza qashty. «Balama ne istep jatyr, bilmeımin. Bes kún boldy, aýzyma dám de almadym», - degen anasynyń bar tileýi qyzynyń amandyǵy.
Al Anastasııa Úsharal qalasyndaǵy kolledjderdiń birinde oqıdy. 1998 jylǵy. 27 qazanda 18 jasqa tolǵan. Qazir kez-kelgen aqparat onyń otbasy úshin mańyzdy. Kúndiz kúlkiden, túnde uıqydan aıyrylǵan januıa qyzdarynyń aman keletinine úmitti. Qandaı da bir aqparat bilseńizder, osy nómirge habarlasýlaryńyzǵa bolady - 8771 055 25 82.
