Almaty oblysynda joǵalǵan bir tabyn sıyr tabyldy

TALDYQORǴAN. QazAqparat - Almaty oblysynyń Kóksý aýdanynda bir tabyn sıyr joǵaldy. Joǵalǵan maldy tártip saqshylary jyldam taýyp berdi, dep habarlaıdy QazAqparat tilshisi.

Labasy aýylyndaǵy eki sharýa qojalyǵynyń ıesi 26 sıyrdyń joǵalǵany týraly aryzdanǵan. Olardyń aıtýynsha maldy bógde adamdar aıdap áketken. Shaǵym resmı tirkelgennen keıin aýdannyń tártip saqshylary «joqty» jáne kúdiktilerdi izdeýge shyǵady. Atty jáne avtokólikti toptar qurylyp, aýyl mańyn sholyp shyǵady. Nátıjesinde joǵalǵan sıyrlar sharýashylyqtan 10-15 shaqyrym jerden tabylǵan. Óz betimen jaıylyp júrgen mal barymtashylardyń ońaı oljasy bola jazdady.

Oblystyq polıtsııa departamentiniń baspasóz qyzmetiniń málimetinshe, iri qara mal ıelerine qaıtarylǵan. Poıltsııaǵa habarlasqan azamattarǵa ózderine tıesili mal men múlikke ózderi jaýapty ekenderin túsindirilip, tártipe saqshylarynyń sıyr izdeýge biraz ýaqyt joǵaltqandyǵy eskertildi.