Almaty oblysynda joǵalǵan aǵaıyndy úsh bala taýly aımaqtan tabyldy
Olar úıinen 12 shaqyrym jerde ornalasqan ózge aýyldyq okrýg aýmaǵynan tabyldy.
«25 qazanda saǵat 23:45-te Talǵar aýdany PB kezekshi bóliminiń pýltine jergilikti turǵynnan kámeletke tolmaǵan balalardy izdestirýge járdem kórsetý týraly habarlama tústi. Anasy sol kúni tańerteń, shamamen saǵat 10:30-da alty jasar uly, aǵaıyndary – 11 jastaǵy ul jáne 13 jastaǵy qyzben úıden shyǵyp ketip, qaıta oralmaǵanyn jetkizdi.
Kámeletke tolmaǵandardy izdestirýge óńirdiń jeke quramy dereý baǵyttaldy jáne polıtsııanyń barlyq keshendi kúshteri men narıadtaryna baǵdarlar jiberildi. Almaty oblysy Polıtsııa departamenti bastyǵynyń jeke baqylaýynda bolǵan izdeý is-sharalaryna eriktiler de qosyldy.
Kámeletke tolmaǵandar táýlik ishinde Besaǵash aýylynan 12 shaqyrym jerden tabyldy. Besqaınar aýyldyq okrýginiń taýly jerindegi «Tabaǵan» baǵytynda jergilikti turǵyn tapty. Qazirgi ýaqytta kámeletke tolmaǵan balalar úılerine aman-esen oraldy», - delingen Almaty oblystyq polıtsııa departamenti baspasóz qyzmetiniń habarlamasynda.