Almaty oblysynda joǵalǵan 16 jastaǵy qyz tabylmaı jatyr
TALDYQORǴAN.QazAqparat - Almaty oblysynyń polıtseıleri ushty-kúıli joǵalǵan qyzdy izdestirý jumystaryn jalǵastyrýda. 16 jastaǵy Arýjan 28 qańtar kúni úıinen shyǵyp, sol kúıi oralmaǵan.
Joǵalǵan bala Qarasaı aýdanyndaǵy Shamalǵan stantsııasynyń turǵyny, dep habarlaıdy QazAqparat tilshisi.
Іz-túzsiz ketken qyzdyń boıy shamamen 160-165 sm, dene bitimi aryqtaý kelgen. Shashy, kózi qara tústi. Úıden shyǵyp ketkende qyzdyń ústinde jasyl tústi kúrteshe, qońyr trıko bolǵan. Jáne aıaǵyndaǵy bátenkesi qara, al ókshesi aq tústi. Eger de kimde-kim sýrettegi qyzdy kórgen bolsa, ne bolmasa sol jaıynda qandaı da bir aqparat bilse, polıtseıler jedel túrde 102 nómirine habarlasýlaryn suraıdy. Sonymen qatar, Qarasaı aýdanynyń ІІB kezekshilik bólimshesindegi myna nómirge 8-7272-298-34-22, 8-72771-2-14-35 qońyraý shalýǵa bolady.
