Almaty oblysynda joǵalǵan 13 jasar balany izdeý jumystary toqtatyldy
TALDYQORǴAN. QazAqparat - Almaty oblysynda bir aı buryn joǵalyp ketken 13 jasar Isa Bekbaevty izdeý jumystary toqtatyldy, dep habarlaıdy QazAqparat tilshisi.
«Oqıǵa 29 maýsymda tirkeldi. Bala áli tabylǵan joq. Іzdestirý jumystaryn toqtattyq. Ereje boıynsha 10 kún izdeýimiz kerek edi. Odan keıin ata-anasynyń ótinishimen taǵy 6 kún izdedik. Qosymsha jedel-qutqarý jasaǵy jumyldyrylǵan bolatyn. Atap aıqanda, súńgýirler, Úshtóbe qalasynyń órt sóndirý qyzmeti men Qaratal aýdandyq Tótenshe jaǵdaılar jónindegi bóliminiń qyzmetkerleri atsalysty», - dedi óńirdiń TJD resmı ókili Azamat Jurtbaev.
Jergilikti polıtsııanyń aıtýynsha, bala balyq aýlap júrip, dosynyń kózinshe sýǵa batyp ketken-mys.
«Isa Bekbaev dosynyń kózinshe sýǵa ketken. Іzdeý jumystaryn TJD júrgizip jatyr. Olar qol jetpeıtin jerlerden, sýdan izdestirip jatyr. Buıryqqa sáıkes, biz júrgen jeri anyqtalmaǵan iz-tússiz joǵalǵan adamdardy izdeımiz. Mysaly, adam úıden ketip, qaıtyp kelmeýi múmkin. Al biz qolǵa alǵan iste adamnyń sýǵa ketý faktisi rastalyp otyrǵandyqtan, izdestirý jumystaryn toqtatýǵa týra keldi. Kýágerler bar, sondyqtan ary qaraı izdeýdi qoıamyz. Sondaı-aq, janynda balyq aýlaýǵa birge barǵan bala bolǵan. Dosy qutqaryp qalýǵa tyrysqanmen, bala aǵysqa qarsy tura almaı, batyp ketken», - deıdi Almaty oblysy ІІD baspasóz qyzmetiniń basshysy Sergeı Neznaev.
Eske salaıyq. Isa Bekbaevtyń joǵalǵany týraly aqparatty ǵalamtor jelisiniń paıdalanýshylary salǵan edi. Aldyn ala jasalǵan boljam boıynsha, bala Qaratal ózenine batyp ketken.
