Almaty oblysynda jınalystar sany azaıdy

TALDYQORǴAN. QazAqparat - Almaty oblysynda memelekettik organdar jumysyna taldaý júrgizildi. Nátıjesinde memlekettik mekemelerde jınalystar eki esege azaıdy, dep habarlaıdy QazAqparat tilshisi.

QR Memlekettik qyzmet isteri jáne sybaılas jemqorlyqqa qarsy is-qımyl agenttigi Almaty oblysy boıynsha departamentiniń basshysy Serikbaı Nurǵısaevtyń aıtýynsha oblystaǵy memlekettik organdar jumysyndaǵy bıznes-protsessterdi ońtaılandyrý nátıjesi shyqty. Arnaıy monıtorıng pen taldaýdan keıin memlekettik organdar suratatyn aqparat, esepterdiń biryńǵaı tizbesi bekitildi.

«Nátıjesinde esepter sany 30%-ǵa, joǵary turǵan organdar suraýlary 45%-ǵa qysqardy. Sonymen qatar, qaǵaz túrindegi kelisimderdiń qaıtalanýy joıyldy. Buǵan qosa, oblystaǵy basshylardyń qatysýymen ótetin jınalystar sany da 2 esege azaıdy», - dedi departament basshysy.