Almaty oblysynda jigitin qyzǵanǵan áıel aýyl turǵynyn segiz jerden pyshaqtady
Oblystyq polıtsııa departamentiniń baspasóz qyzmeti atap ótkendeı, 22 qazan tańǵy 04.30 kezinde Almaty qalasynyń qalalyq klınıkalyq aýrýhanasynan Qarasaı APB kezekshi bólimine habar túsken.
Onda mas kúıdegi 32 jastaǵy áıeldiń pyshaq jaraqatymen aýrýhanaǵa jetkizilgeni aıtylǵan.
Jábirlenýshiniń turǵylyqty jerine barǵan tergeý toby oqıǵa bolǵan jerdi tekserip, jalǵa alynǵan úıde otyrys bolǵanyn anyqtady.
Birqatar jedel-izdestirý is-sharalaryn ótkizgennen keıin Qarasaı aýdandyq polıtsııa bóliminiń jedel ýákilderi kafede demalyp jatqan jábirlenýshi sol jerden óz úıine beıtanys jupty alyp kelgenin, olarmen birge ishimdik ishkenin anyqtady.
Tártip saqshylary solardyń biri jaraqat salýy múmkin dep boljaǵan.
Júrgizilgen jumystyń nátıjesinde polıtsııa kúdiktini «izin sýytpaı» ustaǵan.
Ol dáleldemeler usynǵannan keıin qylmysty moıyndap, ishimdik ishkennen keıin jábirlenýshi serigine tıise bastaǵandyqtan qyzǵanyshpen ony as úı pyshaǵymen birneshe ret keýdesinen soqqanyn túsindirgen.
Qylmys quraly - pyshaq tárkilendi.
Kúdikti ýaqytsha ızolıatorǵa qamaldy.
Atalǵan fakt QR QK-niń 24-baby 3-bóligi; 99-baby 1-bóligi boıynsha tirkeldi.