Almaty oblysynda jigitimen birge qashyp ketken 16 jasar qyz taýdan tabyldy
TALDYQORǴAN. QazAqparat - Almaty oblysynda 16 jastaǵy qyz úıden ketip, sodan qaıtyp oralmady, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, osyndaı mańyzdy aqparat Qapshaǵaı aýdandyq polıtsııa basqarmasyna kelip túsken.
Qapshaǵaı qalasynyń 16 jastaǵy turǵyny ata-anasynan suranyp, qurbysynyń úıine qonýǵa ketken. Ata-anasy qyzynyń josparynan múldem beıhabar edi. Boıjetip qalǵan qyzynyń áreketinen kúmándanǵan ákesi tekserýdi jón kóredi. Túısigi aldamaǵanyn jáne qyzdyń qurbysynyń úıine kelmegenin bilgen ákesi birden polıtsııa kómegine júgingen.
Qyzdyń mekenjaıyn anyqtaýǵa jedel ýákilder jumyldyryldy. Tártip saqshylary jasóspirimniń joǵalýyna negiz bolatyn barlyq nusqany pysyqtady. Onyń uıaly telefony óshirýli jáne qyzdyń dostary men tanystary sońǵy kúnderi qyzben habarlaspaǵan bolyp shyqty.
Іz kesýshilerdiń shuǵyl ári kásibı sheberligi nátıjeli bolyp, bir táýlik ishinde iz-túzsiz joǵalǵan qyz taýda jaqyn tanysynyń janynan tabyldy.
Kámelet jasyna tolmaǵan jasóspirim qyz jigitimen taýǵa qashyp ketken. Jasóspirimder ózderiniń iske aspaı qalǵan jospary men nıeti jaıly tis jarmady.
Jasóspirimdermen túsindirý jumysy júrgizildi.
