Almaty oblysynda jezóksheler qyzmet kórsetetin 7 oryn anyqtaldy
TALDYQORǴAN. QazAqparat - Almaty oblystyq ІІD qyzmetkerleri 22-24 qarasha aralyǵynda «Stop-trafık» atty aldyn alý sharasy barysynda «túngi kóbelekter» torıtyn zańsyz jeti oryn anyqtaldy, dep habarlaıdy QazAqparat tilshisi.
Bul jerde jeńil júristi qyzdar aqyly jynystyq qyzmet kórsetip kelgen. 3 táýlik ishinde jeńgetaılyq jasap, jezókshelerge qolqabys kórsetken 10 adamnyń ústinen qylmystyq is qozǵaldy.
Uıymdasqan qylmystyń aldyn alý maqsatynda ótkizilgen shara barysynda Qazaqstan-Qytaı shekarasyna jaqyn jerdegi Jarkent qalasynda jeńil júristiler qyzmet kórsetken 4 oryn anyqtaldy.
Qylmystyq kásipti uıymdastyrǵan azamatsha qamaýǵa alyndy.
«Sondaı-aq, birneshe qyzmettik qujat rásimdegen 55 jastaǵy er azamat ta qamaýǵa alyndy. Onyń qujattary arasynda sýdıanyń, kásibı moderatordyń kýáligi jáne Eýrazııa memleketteriniń qurmetti azamaty ataǵyn alǵan qujaty tabyldy. Kýálikteriniń zańdylyǵy tergeý barysynda anyqtalatyn bolady. Al kúdiktiniń ústinen QR QK-niń 309-baby 2- bóligine sáıkes is qozǵaldy», dep málim etti oblystyq ІІD-niń baspasóz qyzmeti.
