Almaty oblysynda «Jetisýǵa qosh keldińiz» atty fılmniń túsirilimi bastaldy
TALDYQORǴAN.QazAqparat - Taldyqorǵanda «Wellcome to Zhetysu» ıaǵnı «Jetisýǵa qosh keldińiz» atty tolyqmetrajdy kórkem fılm túsirilimi bastaldy. Jer jannaty - Jetisýdyń tabıǵaty men tarıhynan syr shertetin týyndy qyzyqty oqıǵa janrynda órbimek, dep habarlaıdy QazAqparat tilshisi.
Keıipkerler jolda júrip, óńirdiń tabıǵatyna tamsanyp, túrli oqıǵalarǵa tap bolady. Fılm Elbasynyń «Bolashaqqa baǵdar:rýhanı jańǵyrý» baǵdarlamalyq maqalasyndaǵy maqsat-mindetterdi júzege asyrý aıasynda qolǵa alyndy.
«Basty maqsatymyz - Rýhanı jańǵyrý baǵdarlamasy aıasynda dástúrimizdi, tarıhymyzdy ala otyryp, jańa formatta bizdiń kórermenderimizge kórsetý. Jáne de syrtqy jáne ishki týrızmdi damytý, bizdiń ónerimizdi bıik-bıik belesterge kóterý, nasıhattaý», - deıdi stsenarıı avtory Ádilet Jumabek.
Kıno avtorlary bul týyndymen negizinen jastar aýdıtorııasyn qamtymaq. Aıta ketý kerek, «Wellcome to Zhetysu» tolyqmetrajdy kórkem fılmin Almaty oblysynyń ishki saıasat jáne jastar saıasaty máseleleri basqarmalary birigip qolǵa alyp otyr.
