Almaty oblysynda «JetisýAgro» kesheni ashyldy
trong>Qazannyń 28-i. QazAqparat /Ádilet Musahaev/ - Keshe Almaty oblysy, Іle aýdany Ótegen batyr aýylynda et jáne kókónis ónimderin qaıta óńdep, saqtaıtyn óndiristik-logıstıkalyq «JetisýAgro» kesheni ashyldy,
dep habarlaıdy QazAqparat.
Jalpy aýmaǵy 3,13 gektardy quraıtyn keshen kúnine jeti tonnadan astam et jáne shujyq ónimderin óndirse, jaqyn úsh jylda kásiporyn jumysyn kúsheıtip 25 tonnaǵa deıin ónim shyǵarýdy josparlap otyr.
Keshen basshysy Aleksandr Zyrıanovtyń aıtýynsha, qazirgi ýaqytta bul ortalyqta 800 tonnadaı et, 200 tonnadaı kókónis saqtalyp, táýligine 30 tonna et muzdatylady. Sondaı-aq táýligine bes tonnadaı et, shujyq ónimderiniń 50-den asa túri óndirilip, daıyn ónimder tasymaldanyp otyrady.
«Sonymen qatar bizdiń ortalyqta 2-2,5 tonnadaı taýyq eti men balyq ónimderi óńdeledi. Al taýarlarymyzdyń baǵasyna keletin bolsaq buqaraǵa tıimdi, mysaly, sıyr etiniń bir kelisi 490-nan 590 teńge aralyǵynda. Et ónimderin saqtaý jáne qaptaý isi halyqaralyq normalarǵa saı keledi jáne sapa jaǵynan Almaty naryǵyndaǵy taýarlardan esh kem túspeıdi», deıdi A.Zyrıanov.
Qalanyń ishki naryǵyna 20 paıyzdyq tómen baǵada kirip otyrǵan «JetisýAgro» birlestiginiń 20 saýda orny jumys isteıdi, onyń 14-i arnaıy saýda avtokóligi, 6-y Almaty qalasyndaǵy saýda bazarlaryndaǵy fırmalyq bólimsheler jáne «Altyn-Orda» bazarynda kóterme-dıstpecherlik qyzmet pen 50 seriktes dúkeni bar.
