Almaty oblysynda jetim balalardyń múlkine qol suqqandar áshkerelendi
Máselen, Talǵar aýdanynda osyndaı 11 fakt tirkelse, onyń bes jaǵdaıynda «qamqorshylar» múlikti satyp jibergen. Al Tekeli qalasynda qamqorshylar eki balanyń múlkin jalǵa berip, 350 myń teńge tabys tapqan. Quzyrly organ túsken qarjyny balalarǵa qaıta óndirip bermek. Al ádiletsizdikke jol bergender ákimshilik jaýapqa tartylatyn bolady.
«Raıymbek aýdanynda jetimderge emes, olardyń qamqorshylaryna zańsyz turǵyn úı berý faktileri anyqtaldy. Prokýratýra der kezinde qoldanǵan sharalar nátıjesinde bul turǵyn úıler olardyń qamqorshylarynan alynyp, qaıtadan zańdy túrde jetimderge berý máselesi qaralýda», - deıdi Almaty oblysy prokýratýrasy basqarma basshysynyń orynbasary Erik Asanov.
Oblystyq prokýratýra qyzmetkerleri jetimder máselesin baqylaýdy ary qaraı da jalǵastyrmaq.
Esterińizge sala keteıik, quzyrly organ óńirde «Jetimder úıisiz Jetisý» jobasyn qolǵa alǵan bolatyn. Bul joba Almaty oblysyndaǵy balalar úıiniń sanyn azaıtýdy kózdeıdi.