Almaty oblysynda jeti avtokólikti tonaǵan 20 jastaǵy kúdikti ustaldy
Aǵymdaǵy jyldyń mamyr-qazan aılary aralyǵynda Talǵar aýdany aýmaǵynda birneshe urlyq deregi oryn alǵan. Kúdikti Tuzdybastaý, Besaǵash jáne Taldybulaq aýyldaryndaǵy jeke úılerdiń aýmaǵyna qorshaý arqyly kirip, ıeleriniń nemquraılylyǵyn paıdalanyp, ashyq, qymbat avtokólik ishinen aqsha men baǵaly zattardy alyp ketetin bolǵan. Ol jeti avtokólikten jalpy somasy 6 500 000 teńgeni quraıtyn aqsha men baǵaly zattardy zańsyz ıemdengen.
Jedel-izdestirý is-sharalary barysynda urynyń Eńbekshiqazaq aýdany Rahat kentiniń 20 jastaǵy turǵyny ekendigi anyqtaldy. Alaıda onyń belgisiz baǵytqa ketýine baılanysty ony ustaý múmkin bolmady. Kúdiktiniń Almaty qalasyna ketkeni belgili boldy. Onda ol jalpy materıaldyq shyǵyny 2 500 000 teńge bolatyn taǵy tórt urlyq jasaǵan. Qazirgi ýaqytta, Almatynyń jergilikti jedel ýákilderi ony ustap, qamaýǵa aldy.
Urlanǵan aqshaǵa satyp alynǵan VMW avtokóligi tárkilenip, sot sheshimine deıin arnaıy turaqqa qoıyldy. Búgingi tańda kúdiktiniń jalpy materıaldyq shyǵyny 9 mıllıon teńgeden asatyn 11 qylmysqa qatystylyǵy dáleldendi.
Óz kezeginde, polıtsııa azamattardy kólik quraldarynda aqsha men qundy zattaryn qaldyrmaýǵa shaqyrady.
«Kóshede jáne úılerdiń aýlalarynda ashyq kúıde avtomashınalardy qaldyrmańyzdar. Urylardyń áreketinen qorǵaný úshin aýlańyzda beınebaqylaý júıesin nemese kúzet uıymdarynyń qyzmetterin paıdalanyńyz», - delingen Almaty oblystyq Polıtsııa departamenti baspasóz qyzmetiniń habarlamasynda.