Almaty oblysynda jergilikti turǵyn qarý-jaraq arsenalyn taýyp alǵan
TALDYQORǴAN. QazAqparat - Taldyqorǵan qalalyq ІІB kezekshi bólimine qarý-jaraqtyń tabylýy týraly aqparat túsken.
Oqıǵa ornyna shuǵyl jetken Taldyqorǵan qalalyq ІІB qyzmetkerleri bul derekti rastady. Olar atalmysh aýmaqty qorshaýǵa aldy.
Oblystyq ІІD baspasóz qyzmetinen habarlaǵandaı, 2 oqytý áýebombasy, jarylǵyshsyz eki mınomet snarıady, bir F-1 granatasy, iri kalıbrli áýe pýlemetiniń 2 gılzasy jáne jıyrma 5,45 mm kalıbrli oq tabyldy.
Qarý-jaraqtar ábden tozǵan. «Arlan» arnaıy qurylymynyń saperleri bul jerden F-1 granatasyn tapty. Keıin ol áskerı polıgonda joıyldy.
Búginde qarý-jaraqtar Almaty oblysy boıynsha Áskerı polıtsııaǵa tapsyryldy.
