Almaty oblysynda jergilikti máslıhattarǵa 11 depýtat saılandy
TALDYQORǴAN. QazAqparat - 29 qazan kúni Almaty oblysynda oblystyq, qalalyq jáne aýdandyq máslıhat depýtattarynyń saılaýy ótti, dep habarlaıdy QazAqparat tilshisi.
Óńir boıynsha barlyǵy 35 adam kandıdattyǵyn usynyp, olardyń 33-i resmı tirkeldi. Saılaý qorytyndysymen jergilikti máslıhattarǵa 11 depýtat saılandy. Olardyń 10-y «NurOtan» partııasynyń múshesi.
«59 811 adam daýys berdi. Saılaýshylardyń kelýi 94 protsentti qurady. Saılanǵan 11 depýtattyń 10-y «Nur Otan» partııasynan, bireýi Qazaqstan kommýnısteri halyqtyq partııasynyń múshesi», - dedi oblystyq saılaý komıssııasynyń tóraǵasy Tımýr Dáýitov.
Sondaı-aq, Tımýr Dáýitovtiń aıtýynsha, naýqan oıdaǵydaı ótip, eshqandaı keleńsiz jaǵdaı tirkelmegen. Jalpy saılaý barysyn 66 baıqaýshy baqylaǵan.
