Almaty oblysynda jerdiń baǵasy basqa óńirlerge qaraǵanda 10 esedeı qymbat - Ý. Qalıjan
ASTANA. Aqpannyń 17-si. QazAqparat /Qanat Mámetqazyuly/ - Almaty oblysynda jerdiń baǵasy elimizdiń basqa óńirlerine qaraǵanda 10 esedeı qymbat.
Búgin QR Parlamenti Májilisiniń jalpy otyrysynda QR Úkimet basshysynyń atyna saýal joldaǵan depýtat Ýálıhan Qalıjan osylaı málim etti, dep habarlaıdy QazAqparat.
«Jaqynda Almaty oblysynyń turǵyndarymen kezdesý barysynda jurtshylyq Elbasynyń tuǵyrly saıasatyna rızashylyq bildirip, erekshe saıası belsendilik tanytyp otyrǵanyn kórdik. Almaty oblysynyń Jambyl, Talǵar, Eńbekshiqazaq aýdandarynda bolyp ótken kezdesýlerde dıqandar bir máselege basa nazar aýdaryp otyr. Atap aıtqanda, dıqandar uzaq merzimge jalǵa alyp, endi ony birtindep satyp alaıyn dese jer quny óte qymbatqa shyǵyp otyrǵanǵa uqsaıdy. Tipti, Almaty oblysyndaǵy jer quny respýblıkanyń ózge óńirlerimen salystyrǵanda 10 ese qymbat ekendigi anyqtalǵan», dedi depýtat. Osyǵan oraı, Ý. Qalıjan tıisti organdar arqyly Almaty oblysynda jer quny nege qymbat bolyp otyrǵanyn tekserý qajettigin alǵa tartyp, bul boıynsha sharalar qabyldansa degen tilegin jetkizdi.
