Almaty oblysynda jerasty sýy kóterilýi múmkin
ASTANA. QazAqparat - Almaty oblysynyń Uıǵyr aýdanynda kóktemde jerasty sýy kóterilýi yqtımal. Bul týraly depýtattyq saýalǵa jaýap bergen QR Premer-Mınıstri Baqytjan Saǵyntaevtyń jaýabynda aıtylǵan, dep habarlaıdy «QazAqparat» HAA tilshisi.
«Sharyn eldi mekenine jaqyn ornalasqan «Shonjy-Tasqarasý» baqylaý beketi boı̆ynsha QR IDM júrgizip jatqan monıtorıngtik zertteý derekteri sý tasý kezeńinde jerasty sýlarynyń deńgeı̆i kóteriletindigin kórsetti. Qysta qardyń qalyń túsýine baı̆lanysty bıyl kóktemde osy aýdanda jerasty sýlarynyń deńgeı̆i edáýir kóterilýi múmkin», - delingen jaýapta.
Sharyn aýylynda tótenshe jaǵdaı̆lardy boldyrmaý maqsatynda 2017 jyly uzyndyǵy 4,3 km quraı̆tyn drenajdyq júı̆eniń qurylysyna jergilikti bıýdjetten 45,4 mln teńge bólingen. Bul aqparatty Almaty oblysy ákimdigi berip otyr.
Vedomstvonyń habarlaýynsha, oryndalǵan jumys 2017 jylǵy 30 qazanda qabyldaý komıssııasynyń aktisi boı̆ynsha qabyldanǵan.
Budan basqa, qazirgi ýaqytta oblys ákimdigi uzyndyǵy 7,5 shaqyrymdy quraı̆tyn drenajdyq júı̆eniń qurylysyna oblys bıýdjetinen qosymsha 59 mln teńge somasynda qarajat bólý máselesi pysyqtalýda. Ol másele 2018 jylǵa arnalǵan oblys bıýdjetin naqtylaý kezinde qaralatyn bolady.
«Sondaı-aq, qoldanystaǵy uńǵymalardy belgilep, olardyń shyǵyndaryn kórsete otyryp, gıdrogeologııalyq kartany ázirleý, sonymen birge Almaty oblysy Uı̆ǵyr aýdanynda termaldi sýlardy tıimdi jáne keshendi paı̆dalaný boı̆ynsha usynymdar ázirleý máselelerin 2018-2020 jyldarǵa arnalǵan baǵdarlama sheńberinde pysyqtaý boljanady», - delingen jaýapta.
Premer-Mınıstrdiń jaýabyna sáıkes, atalǵan baǵdarlama QR BǴM Ulttyq ǵylymı keńesiniń 2018 jylǵy 12 qańtardaǵy №1 sheshimimen maquldanǵan. Ony zańnamada belgilengen tártippen naýryz aı̆ynyń birinshi onkúndiginde QR Úkimetiniń janyndaǵy Joǵary ǵylymı-tehnıkalyq komıssııanyń qaraýyna shyǵarý josparlanyp otyr.
