Almaty oblysynda jer úılerde bolǵan órtterde 2 adam kóz jumyp, taǵy bireýi zardap shekti
ASTANA. 9 qarasha. QazAqparat - Keshe Almaty oblysynda jekemenshik turǵyn úılerdiń aýmaǵynda 2 órt oqıǵasy boldy.
Atap aıtqanda, Іleý aýdanynyń Boraldaý kentinde saǵat 07.45-te jer úı órtendi, jalyn tolyǵymen saǵat 08.10-da sóndirildi. Tilsiz jaýdy aýyzdyqtaýǵa Almaty oblysy boıynsha TJD órtke qarsy qyzmetiniń 3 adamy men 1 tehnıkasy jumyldyryldy. Jalyndy sóndirý barysynda 50 jastaǵy er adamnyń máıiti tabyldy.
Sondaı-aq Eńbekshiqazaq aýdanynyń Aqbastaý kentinde tańerteńgi saǵat 5 shamasynda jekemenshik úıdiń aýlasyndaǵy sharýashylyq nysandar jandy. QR TJM Almaty oblysy boıynsha TJD órtke qarsy qyzmetiniń qutqarýshylary tilsiz jaýdy tolyǵymen bir jarym saǵattan keıin aýyzdyqtady. Órtti sóndirý barysynda tulǵasy anyqtalmaǵan er adamnyń denesi tabyldy. 1957 jyly týǵan taǵy bir adam kúıik jaraqattarmen aýrýhanaǵa jetkizildi.
