Almaty oblysynda jer telimin zańsyz bergen 5 laýazymdy tulǵa jaýapkershilikke tartyldy

TALDYQORǴAN. QazAqparat - Almaty oblysy Panfılov aýdanynyń prokýratýrasy 2016 jyly jeke turǵyn úı salý úshin jer ýchaskelerin berýge baılanysty zańdylyqtarǵa tekserý jumystaryn júrgizdi. Onyń barysynda birshama zańsyzdyqtar anyqtaldy, dep habarlaıdy QazAqparat tilshisi.

«Aýdan ákimdikterin tekserý barysynda jeke turǵyn úı qurylysyna arnalǵan jer telimi 5 azamatqa kezeksiz berilgeni anyqtaldy. Prokýrorlyq qadaǵalaý aktisi boıynsha jergilikti atqarýshy organnyń 5 laýazymdy tulǵasy tártiptik jaýapkershilikke tartyldy. Olarǵa memlekettik qyzmetshiniń bedelin túsirdi, sheshimderdi qabyldaý barysynda qandaı da bir jeke tulǵalarǵa basymdyq berip, zańǵa qaıshy áreketterge barǵan degen kiná taǵylyp otyr», - delingen Panfılov aýdandyq prokýratýrasynyń baspasóz baıanynda.