Almaty oblysynda jeńimpazdar forýmy ótti
ASTANA. QazAqparat - Búgin Taldyqorǵan qalasynyń ortalyq alańynda «Nur Otan» partııasynyń «Biz jeńdik» atty forýmy ótti. Forýmda «Nur Otan» partııasy Almaty oblystyq fılıaly saıası keńesiniń múshesi, oblys ákiminiń orynbasary Baqtııar Ónerbaev qatysyp, quttyqtaý sóz sóıledi. Bul týraly oblys ákimdiginiń baspasóz qyzmeti habarlady.
«Búgin bizdiń partııamyz úshin tarıhı sát, sebebi, 17 jyldyń ishinde «Nur Otan» ózin naǵyz halyqtyq partııa ekenin kórsete bildi. Eldiń keleshegi, ulttyń bolashaǵy jolynda durys tańdaý jasap, «Birlik. Turaqtylyq. Jasampazdyq» uranyn ustana otyryp, «Nur Otan» partııasynyń baǵdarlamasyna qoldaý tanytyp, senim bildirgenderińizge alǵys bildiremin!
Bul - Qazaqstan halqynyń shynaıy qalaýy, barsha qazaqstandyqtardyń erekshe senimine ıe bolǵan Elbasynyń saıasatyn qoldaýy. Tuńǵysh Prezıdentimiz Nursultan Ábishuly Nazarbaevtyń «Nur Otan» partııasyna jetekshilik etýi - partııa jeńisiniń birden-bir sebebi dep túsinemiz. Búgingi saıası jeńis - úlken mindetter júkteıdi. Halyqtyń seniminen shyǵý, ony aqtaý - zor abyroı», - dedi B. Ónerbaev.
Munan soń ardagerler uıymynyń belsendi múshesi Dına Nurǵalıeva, Taldyqorǵan molıtehnıkalyq kolledjiniń oqytýshysy Saǵı Asanhanov, Qazaqstan halqy Assambleıasynyń múshesi Natalıa Belık jáne «Nur Otan» partııasynyń basqa da belsendi músheleri sóz sóılep, Elbasy saıasatyna qoldaý bildiretindikterin, óz bolashaqtaryn «Nur Otanmen» baılanystyratynyn aıtty.
Forýmnyń sońynda jınalǵan qaýym «Alataý áýenderi» - «Qulansaz» ansamliniń kontsertin tamashalady.
Jalpy, Almaty oblysynda barlyǵy 990 021 saılaýshynyń 94,06 %-i qatysty. Onyń ishinde «Nur Otan» partııasyna daýys bergender 84,7%-ti quraǵan.
