Almaty oblysynda jeńil kólik bóten úıdiń qorshaýyna basyp kirip, aýdaryldy
TALDYQORǴAN. QazAqparat - Almaty oblysynda jeńil kólik ózgeniń qorshaýyna basyp kirip, aýdaryldy. Oqıǵa Eńbekshiqazaq aýdanynyń Qoram aýylynda bolǵan, dep habarlaıdy QazAqparat tilshisi.
Eńbekshiqazaq aýdany ákimdiginiń baspasóz qyzmetiniń málimetinshe, zardap shekkender joq.
Oqıǵa 24 naýryz kúni boldy.
Bizge málim aqparat boıynsha, jeńil kólikti júrgizgen adam ishimdik ishpegen.
Ol kólikti júrgizip kele jatqanda mototsıkl shyqqan, oǵan soǵylmas úshin ózgeniń aýlasyna basyp kirip, osyndaı jaǵdaı bolǵan.
Zardap shekken eshkim joq. Kólik júrgizýshi jeńil jaraqat alǵan.
Jáne ol úıdiń qorshaýyna kelgen shyǵyndy ózi óteıtin boldy.
«Ústinen quzyrly organǵa shaǵym túspedi», - dedi Eńbekshiqazaq aýdany ákimdigi baspasóz qyzmetiniń ókili Dınara Tólemisova.
Esterińizge sala keteıik, 2 naýryz kúni Eńbekshiqazaq aýdanyndaǵy dál osy Qoram aýylynda mas júrgizýshi sabaqtan qaıtyp kele jatqan 4 oqýshy qyzdy kóligimen qaǵyp ketken bolatyn.
Onyń úsheýi aýrýhanaǵa jatqyzyldy. Balalar 8-9 jasta.
14 naýryz kúni bir oqýshy aýrýhanada esin jımastan kóz jumdy.
