Almaty oblysynda jeńgetaılyqpen aınalysqan 40 jastaǵy kelinshek ustaldy
TALDYQORǴAN. QazAqparat - Almaty oblysynda jeńgetaılyq jasady degen kúdikpen Qapshaǵaı qalasynyń turǵyny ustaldy, dep habarlaıdy QazAqparat tilshisi.
Almaty oblysy PD krımınaldyq polıtsııa basqarmasynda QR QK 309-baby 1-bóligi «paıdakúnemdik maqsatta jeńgetaılyq jasaý» boıynsha qylmystyq is tirkeldi.
2021 jyly 13 qazanda jedel-izdestirý sharalaryn júrgizý barysynda Qapshaǵaı qalasyndaǵy qonaq úılerdiń birinen polıtseıler ákimshi bolyp jumys isteıtin 40 jastaǵy jergilikti turǵyndy ustady.
Bul azamatsha óziniń negizgi mindetterinen bólek aqshalaı syıaqy úshin «jeńgetaılyq» qyzmetterin de atqarǵan, klıentterge ıntımdik qyzmet kórsetý úshin jeńil minez-qulyqty qyzdardy usynǵan.
«Kúdikti qylmys ústinde ustaldy. Sotqa deıingi tergeý amaldary júrgizilýde. Ózge aqparat QR QІJK 201-babyna sáıkes jarııa etilmeıdi»,- delingen Almaty oblystyq polıtsııa departamentiniń baspasóz qyzmeti taratqan habarlamada.
