Almaty oblysynda jemqorlyqqa jaqyn salalar anyqtaldy
Sybaılas jemqorlyqqa qarsy is-qımyl Ulttyq bıýrosy óńirlik departamentiniń jetekshisi Danııar Turǵanbaevtyń aıtýynsha, zań buzýshylyqtardyń keńinen etek alýyna negizinen qarjylyq-sharýashylyq, bólýshilik ókilettikterdiń keńdigi men baqylaý fýnktsııalary arqyly jol beriledi.
«Jer ýchaskelerin berý men bólý, olardyń nysanaly baǵytyn ózgertý kezinde, kadr máselelerin sheshýde, ruqsat berý qujattaryn berý barysynda, memlekettik satyp alý júrgizýde zań buzýshylyqtarǵa jıi jol beriledi», - deıdi vedomstvo basshysy.
Málimetterge qaraǵanda, aǵymdaǵy jyldyń basynan beri oblysta 126 qylmystyq zań buzýshylyq tirkelgen, onyń 98-i - sybaılas jemqorlyq qylmystar. Al sońyna deıin jetkizilgen qylmystyq ister boıynsha keltirilgen zalal 223,2 mln teńgeni quraǵan.