Almaty oblysynda jekemenshiktegi jer telimderin qaıtarý jumystary baıaý júrýde

TALDYQORǴAN. QazAqparat - Almaty oblysynda jekemenshiktegi jer telimderin memleketke qaıtarý jumystary baıaý júrýde. Basty sebep -menshik ıesiniń usynylǵan qarjyǵa kelispeýi. Sondyqtan kóp másele sot arqyly sheshilip jatyr, dep habarlaıdy QazAqparat tilshisi.

Máselen, bir ǵana Іle aýdanynda qurylǵan «Bereke» ındýstrııalyq aımaǵyna 77 jer ýchaskesi qajet. Qazirgi tańda, onyń tek 3-i ǵana satyp alynǵan. Al 30 jer teliminiń ıesi usynǵan baǵamen kelispeı, sottasyp jatyr.   

«Sondaı-aq 25 jer ýchaskesiniń ıesi teń baǵaly jerdi berýdi surap otyr. Osyǵan baılanysty jer telimderin izdestirip jatyrmyz», - dedi Almaty oblystyq jer qatynastary basqarmasy basshysynyń orynbasary Aıdos Ábdirahmanov.

Aıta ketý kerek, búgin Taldyqorǵanda Almaty oblysynyń ákimi Amandyq Batalovtyń tóraǵalyǵymen alqaly jıyn ótti. Kún tártibinde oblys aýmaǵynda júzege asyrylatyn respýblıkalyq jáne oblystyq mańyzy bar jobalarǵa qajetti jer ýchaskelerin memleket muqtajy úshin ıelikten shyǵarý jumystary qaraldy. Jalpy óńirde iri jobalardy júzege asyrý maqsatynda 150 jýyq jer ýchaskesi  qaıtarylýy qajet.