Almaty oblysynda jekemenshik úılerdi aǵyn sý basty
ASTANA. QazAqparat - Aýa temperatýrasynyń kóterilýine baılanysty Almaty oblysynda qar erip jatyr, dep habarlaıdy QazAqparat Almaty oblystyq TJD baspasóz qyzmetine silteme jasap.
«Talǵar, Іle, Eńbekshiqazaq, Qarasaı, Jambyl aýdandarynda jáne Taldyqorǵan qalasynda kóptegen úıdi qardyń sýy basty», - delingen habarlamada.
Qazirgi kezde jergilikti atqarý organdary jáne Almaty oblystyq TJD aryqtardy tazalap jatyr.
2018 jylǵy 25 aqpanda Almaty oblystyq TJD garnızony kúsheıtilgen rejımge kóshti. 17 adamnan qurylǵan jedel toptar joǵaryda aıtylǵan aýdandarǵa sý tasqynynyń saldaryn joıý úshin jiberildi.
24 aqpanda úıler men kóshelerge sýy tasýdyń 14 faktisi tirkeldi. Ásirese tústen keıin kóp qar erip jatyr. 25 aqpanda TJD telefonyna sý tasqyny týraly habar kelgen.
TJD azamattarǵa tabıǵat qubylysyna túsinistikpen qarap, qar sýynyń tasýynyń aldyn alý úshin aryqtardy jáne úıiniń aınalasyn tazalaýǵa keńes beredi.
