Almaty oblysynda jedel jeli iske qosyldy
TALDYQORǴAN. QazAqparat – Almaty oblysynda barlyq aýrýhanalar karantınge jabyldy. Endi turǵyndar ózderin mazalaǵan suraqtarǵa jaýap alý úshin jedel jelige qońyraý shala alady, - dep habarlaıdy QazAqparat tilshisi.
«Qazir barlyq aýrýhanalar karantınge jabyldy. Endi turǵyndardy mazalap jatqan suraqtar mynadaı, máselen, júregi aýyratyn, ózge de syrqattary bar adamdar qaıda habarlasamyz dep jatyr. Barlyq suraqtarǵa baılanysty osy 8800808828 nemese 87282411212 nomerlerge habarlasýǵa bolady», - dedi Almaty oblysynyń densaýlyq saqtaý basqarmasynyń baspasóz hatshysy Láılim Áýbákirova.
Sondaı-aq vedomstvo ókiliniń málimetinshe, Almaty oblysy boıynsha aýrýhanalarda oryndar bar.
«Almaty oblysynda dálizde em alyp jatqan naýqastar joq. Aýrýhanalarda oryndar jetkilikti. Biraq, ár túrli aýrý belgilerimen ıaǵnı, tumaý, dám, ıis sezbeý, temperatýramen shaǵymdanatyndar sany kúrt ósti. Olardyń barlyǵy derlik aýrýhanalarǵa jatqyzyla bermeıdi. Biraq olarǵa ózderiniń ýchaskelik dárigerleri onlaın túrde qandaı em-sharalaryn qoldaný jóninde keńesterin berip jatyr», - dedi L. Áýbákirova.
